El-emru kema zukira fihi

Es-Seyyid Hafız Mehmed Nuri el-müvella hilafe bi-kasaba-i Beşiktaş nemmekahu’l-fakir ileyhi azze şanuhu gufira leh

Mühür

Mahrûse-i Galata muzafatından kasaba-i Beşiktaş’a tabi Kuruçeşme karyesinde mütemekkine Ezmerağda bint-i Lagor? nam Nasraniye tarafından bey‘-i âti’z-zikri ikrar ve i‘tâ-yı hüccete vekil olduğu şahs-ı mersûmeyi bi’l-ma‘rifeti’ş-şer‘iyye arifân-ı Mütevellaki? veled-i Endiriya? ve Yorgi? veled-i Yani? nam zimmiler şehadetleriyle sabit olan Demetraki veled-i Yorgi? nam zimmi meclis-i şer‘-i şerif-i enverde işbu hamiletü’r-rakîm marifetü’ş-şahs Sevil bint-i Hazekya? nam diğer Haym nam Yahudiyye tarafından ber vech-i âti tasdike vekil-i müseccel-i şer‘îsi Sadri kebir oğlu Musa veled-i Eliya? yahudi muvacehesinde bi’l-vekale ikrar-ı tâm ve takrir-i kelam edip müvekkilem mersume Ezmerağda? Nasraniye akd-i ati’z-zikrin suduruna değin ba hüccet-i şer‘iyye yedimde mülk ve hakkım olup kasaba-i mezbureye tabi Ortaköy bağları hilalinde vaki bir taraftan Ovannes? zimmi bağı ve bir taraftan Elmiye? Nasraniye bağı ve bir taraftan vadi ve bir taraftan tarik-i ‘âm ile mahdud arsası Sultan Bayezid veli han vakf-ı şerifine mukata‘a-i kadimeli tahminen yirmi üç dönüm bir kıt‘a kürûmî mülk bağımı mücmeletü’ş-şevâgil tarafeynden icab ve kabulü havi şurut-ı müfside ve muvaza‘adan âri bey‘-i bât sahih-i şer‘î safka-i vahide ile müvekkile-i mersume Sevil? nam Yahudiyeye seksen guruşa bey‘ u temlik ve teslim eylediğimde ol dahi ber-vech-i muharrer iştira ve temellük ve tesellüm ve kabz u kabul ettikten sonra semeni olan meblağ-ı mezkur seksen guruşu bana def‘ u teslim ben dahi yedinden tamamen ve kamilen ahz ü kabz edip mebî’-i mezkurun tağrir ve gabnine müteallik âmme-i davadan her birimiz aharın zimmetini kabulü havi ibra ve iskat eyledik fi ma-ba‘d bağ-ı mahdud-ı mezkurda benim asla ve kat‘a alaka ve medhalim kalmayıp müvekkile-i mersume Sevil Yahudiyenin mülk-i müşterası ve hakk-ı sarfı olmuştur dedi dedikde gıbbe’t-tasdiki’ş-şer‘î ma-vaka’a bi’t-talep ketb olundu fi’l-yevm ettâsi’ min zilhicceti’ş-şerife sene tis‘a ve ışrin ve mieteyn ve elf

Şuhûdü’l-hâl: Nesim veled-i Haym, Mehmed bin Abdullah, Mahzar Mahmud Ağa bin Süleyman, es-Seyyid İbrahim Efendi ibn es-Seyyid Ebubekir

İsak veled-i Bahor?, Yako veled-i Yeşaye, Ovannes veled-i Artin, Yasef veled-i Haym, Baroh veled-i Yako ve gayrihim

Yan yazı: ahrectü ani’s-sicli’l-mahfuz fi’l-yevm essabi‘ ve’l-ışrin min şehri recebi’l-ferd sene sitte ve sittin ve mieteyn ve elf