Ma fihi min el-bey‘ ve’ş-şira

Es-Seyyid İsmail Rıfkı en-nâib bi-kasaba-i Devrekanî nemmakahu’l-fakir ileyhi azze şanuhu gufira leh

Mühür

Kastamonu vilayet-i merkez niyabet-i şer‘iyesine mülhak Devrekani nahiyesine tabi Kırvaç karyesi sakinelerinden zatı tarif-i şer‘î ile muarrefe olan Zeynep bint-i Abdullah nam hatun tarafından zikr-i ati bey‘de ikrara ve ita-i hüccete vekil olduğu zat-ı mezbureyi bil marifetiş şer‘iyye arifân olan muhtar-î Memiş Ağa ibn İsmail ve Gazi Mehmet oğlu Monla Mehmet bin Mehmet nam kimesneler şehadetleriyle ber nehc-i şer‘î sabit ve subut-ı vekaletine hükm-i şer‘î lahik olan Hasan Ali oğlu Hasan Efendi ibn Abdullah nam kimesne nahiye-i mezbur mahkemesinde meclis-i şer‘imizde işbu baisül kitab yine karye-i mezbur ahalisinden Hatipoğlu Mustafa bin Mustafa mahzarında bil vekale ikrar-ı tam ve takrir-i kelam edip akd-i atil beyanın vukuuna değin yedimde mülk ve hakkım olup karye-i mezburede vaki bir taraftan Hatipoğlu Ahmet mülk menzili ve iki taraftan tarik-i ‘âm ve bir taraftan Hatipoğlu Mustafa mülk menzili ile mahdud ve mümtaz bir bab mülk menzil ve ahır ve içinde bir göz odasını müştemil ve bir bab samanhane arsası ve harman arsa olan sehmini bi cümletin ma yeştemiluhu ve yahviyehu tarafından icab ve kabulü havi şurut-ı müfside ve muvazaadan ari bey-i bat sahih-i şer‘î ile mezbur Mustafaya altı yüz kuruşa bey‘ ve temlik ve mahallinde kabz-ı teslim eylediğimde ol dahi ber vech-i muharrer iştira ve temellük ve kabul eyledikten sonra semeni olan meblağ-ı mezkur altı yüz kuruşu müşteri mezbur mustafa yedinden bit tamam vel kemal ahz ü kabz eyledim fi ma-ba‘d mülk menzil ve harman mahdud-ı mezkurlarda benim asla ve kat‘a alaka ve madhalim kalmayıp müşteri merkum Mustafanın mülk-i müştera-i sahihi olmuştur keyfe ma yeşa ve yahtaru mutasarrıf olsun dedikde gıbbet tasdikiş şer‘î ma hüvel vaki bit taleb ketb ve imla olundu hurrirehu fil yevmirrabi’ vel ışrin min şehr-i recebil ferde sene seb’a ve semanin ve mieteyn ve elf

Şuhûdü’l-hâl: X (okunamadı) oğlu Salih ibn Abdullah, Y (okunamadı) oğlu Salih, Hacı Ali oğlu Halil ve gayrihim