El-emru hasbema fihi

Es-Seyyid Mehmed Şükrü el-kadî bi-medine-i Kastamonu ve ene’l-fakir ileyhi azze şanuhu gufira leh

Mühür

Medine-i Kastamonu’da Köyceğiz? mahallesi ahalisinden iken bundan akdem vefat eden Kara Kadızâde es-Seyyid Mehmet Efendi ibn Abdullah bin Abdullah’ın veraseti zevce-i menkuha-i metrûkesi Saadet bint-i Mustafa nam hatun ile sulbiye kebire kızı Şerife Hatun ve li-ebeveyn kız karındaşları Rahime ve diğer Saadet Hatunlara munhasır olduğu mahzar-ı hasm-ı cahidde şuhûd-ı udûlen? bi’l-isbat lede’ş-şer‘il-enver zahir ve nümayan olduktan sonra verese-i mezbûreden zevce-i mezbûre Saadet Hatun tarafından husus-ı âtide vekalet-i amme-i mutlaka ile vekil olduğu zat-ı mezbureyi bi’l-marifeti’ş-şer‘iyye arifan olan İzilizade? Mustafa Bey ibn Ahmet Ağa ve Müftizade Esad Bey ibn Osman nam kimesneler şehadetleriyle sabit ve sübût vekaletine hükm-i şer‘î lahik olan Hüseyin Hacı oğlu Mehmet Efendi ibn Ali meclis-i şer‘-i şerif-i enverde zikri câî terekeye vaz‘-ı yedi mütehakkak olan iş bu baisetü’l-kitab bint-i mezbur Şerife Hatun’un hâlâ zevci ve tarafından zikri âti ibra-yı tasdike vekil-i müseccel-i şer‘îsi Mehmet Efendi ibn Ali Efendi mahzarında bi’l-vekale ikrar-ı tam ve takrir-i kelam edip müvekkilem mezbur Saadet Hatun’un zevci ve murisi müteveffa-yı mumaileyhin … terekesi ancak arûz ve akâr olup ve müteveffa-yı muma-ileyhin asla kimesneye deyni .. olmamağla ber-tashih-i mezkûr mecmu‘-ı tereke-i mevcudesinden müvekkilem mezburenin semen-i hisse-i ırsıyesi mukabelesinde şerait-i sıhhat-i sulhu havi ve mevani‘-i müfsideden âri alâ tarikı’t-taharuci’ş-şer‘î müvekkile-i binti’l-mezbure Şerife Hatun tereke-i müteveffa-yı muma-ileyhden müvekkilem mezburenin semen-i hisse-i ırsiyesinden ezyed ve evfer olarak müvekkilem mezbure için bana sekiz bin beş yüz kırk üç buçuk guruş vermek üzere müvekkilem mezburenin rızasıyla vekil-i mezbur Mehmet Efendi’nin zevcesi ve müvekkilesi bint-i mezbure Şerife Hatun ile … sahiha-i şer‘iye ile bi’l-vekale sulh olduğumda müvekkile-i bintü’l-mezbure Şerife Hatun dahi sulh-i mezkûru kabul ve bedel-i sulh olan meblağ-ı mezkûr sekiz bin beş yüz kırk üç buçuk guruşu meclis-i sulhda kable mufarakati’l-ebdan o ki validesi müvekkilem mezbure Saadet Hatun için tamamen ve kamilen bana def u teslim ve ben dahi yedinden bittemam velkemal ahz ü kabz etmemle … husus-i mezkur ve müteveffa-yı muma-ileyhin kalil ve celil … ve kesir akar ve menkul nükûd ve arz-ı ismi mal ıtlak olunur tereke-i malume ve mechulesine ve hukuk-ı mirasa müteallık amme-i deavi ve mütalebat ve kaffe-i iman ve muhasımatdan müvekkilem mezbure Saadet Hatun’a izafetle bilvekale müvekkile-i bintil mezbure Şerife Hatunun zimmetini ibra ve iskad eylediğimde müvekkile-i bintil mezbure Şerife Hatun dahi müvekkilem zevce-i mezbure Saadet Hatunun müstekıleten yedinde mülkü olup Akçasu karyesinde vaki iki tarafı Abdülkadir Efendi tarlası ve bir tarafı mera ve bir tarafı tarik-i âm ile mahdud bir gözü bir bab değirmenden hisse-i mütalebesine ve tereke-i müteveffa-ı muma-ileyhden ketm ü ihva eylediğin malumu’l-mikdar altun ve eşya-i mütenevviadan hisse mütalebe ederim deyu tasaddi eylediği dava-yı mezkuresinden rızasıyla meccanen fariğa olup husus-ı mezbure ve hukuk-ı mirasa ve bedel-i sulh-i merkumun istirdadına müteallık amme-i davadan müvekkilem zevce-i mezburenin zimmetini ibra ve iskad ve tarafeynden her birimiz ber vech-i muharrer aharın asaleten ve vekaleten ibrasını kabul edip ol vechile külliyen kat‘-ı niza‘ eyledik dedikde gıbbe’t-tasdikiş şer‘î  mavaka‘a bittalep ketb olundu fil yevm es sadis vel ışrin min Zilhicceti’ş-şerife sene sitte ve sebıyn ve mieteyn ve elf

Şuhûdü’l-hâl: Hacı Hidayet Ağazade el Hac Osman Ağa, Duacızade Hafız Mehmet Efendi, biraderi Hasan Efendi, ... Esseyyid Mehmet Rasim Efendi, Mekatib-i mahkeme Abdurrahman Efendi, ... Esseyyid Hafız Ali Efendi, Muhsî başı Hacı Osman Ağa ve gayrihim.